Mae cylch gwaith Maria yn goruchwylio prosiectau Llais y Goedwig sy’n cael eu hariannu, ‘Llais y Goedwig’ a ‘Dewis Gwyllt’, yn ogystal â magu partneriaethau a ffrydiau cyllid newydd i helpu i gefnogi a datblygu grwpiau Coetiroedd Cymunedol yng Nghymru. Mae Maria wedi bod yn gweithio mewn sawl swydd yn Llais y Goedwig ers 2013.

O blith ei phrofiad blaenorol mae cefnogi a datblygu coetiroedd cymunedol, rheoli prosiectau a datblygu mentrau cymdeithasol.

Mae Sasha wedi’i lleoli ym Mhen-y-bont ar Ogwr, a’i swydd hi yw codi proffil coetiroedd cymunedol drwy weithio gyda grwpiau coetiroedd cymunedol newydd a sefydledig yn ne canolbarth Cymru, i gefnogi eu datblygiad, datblygu eu gallu a darparu cymorth ‘ar lawr gwlad’.

Ymunodd â Llais y Goedwig yn 2016 gan gyflwyno cyfoeth o brofiad o reoli coetiroedd a chadwraeth, prosiectau amgylcheddol cymunedol, cefnogi gyda chreu grwpiau cymunedol a mentrau cymdeithasol a sgiliau cadwraeth ymarferol, yn ogystal â chefndir mewn cynhyrchu cynnyrch crefft o goetiroedd a chynnal gweithdai hyfforddiant.

Mae Sasha wedi gweithio yn y maes cadwraeth a choedwigoedd ers 2005 pan ddaeth yn swyddog prosiect ar gyfer BTCV (TCV bellach). Mae wedi bod yn rhedeg ei chwmni hyfforddiant byw yn y gwyllt ers 2009, mae’n arweinydd ysgol goedwig cymwys ac yn ymddiriedolwr Ysgolion Coedwig Cymru.

Anfonwch e-bost at Sasha

A hithau wedi’i geni a’i magu yn Aberystwyth, nid yw’n syndod bod Beki wrth ei bodd yn yr awyr agored; coedwigoedd a sêr y nos sy’n mynd â’i bryd fwyaf. Mae ganddi gefndir mewn sawl maes, ac yn cael modd i fyw yn rhoi trefn ar bethau a chynnig help llaw i bobl, a dyma pam mai hi sydd wrth wraidd gweithrediad didrafferth Llais y Goedwig a phrosiect ‘Llais y Goedwig’, yn cyflwyno sgiliau gweinyddu, trefnu a chyllid cryf i’r swydd, ac yn cynnig cymorth lle bynnag mae ei hangen.

Anfonwch e-bost at Beki

Hywel yw ein Swyddog Datblygu sy’n gyfrifol am ogledd-ddwyrain Cymru, sy’n cynnwys Wrecsam, Sir y Fflint a Sir Ddinbych.  Mae ei gefndir mewn addysg gynnar a chadwraeth ymarferol, gweithio gyda phobl i gyflawni gwelliannau amgylcheddol cadarnhaol yn eu cymunedau. Fel rhan o’i swydd yn BTCV/TCV, datblygodd amrywiaeth o sgiliau ymarferol mewn rheoli coetiroedd, creu cynefinoedd ac adeiladu gyda phren, ac ef oedd yn gyfrifol am hyfforddi gwirfoddolwyr a defnyddwyr gwasanaethau i ddod yn fwy cyflogadwy drwy brosiectau cadwraeth ymarferol yn y rhanbarth. Yn fwy diweddar, bu’n rheoli coetir amwynder yng Nghastell Bodelwyddan lle croesawodd y gymuned leol, gan gynnwys nifer o ysgolion cynradd i ddysgu am yr amgylchedd drwy amrywiaeth o weithdai ymarferol a digwyddiadau.

Anfonwch e-bost at Hywel

Mae Liz yn gweithio ledled canolbarth Cymru (Powys a Cheredigion) yn cynnig cymorth i grwpiau a sefydliadau sydd eisiau rheoli neu weithio mewn coetiroedd lleol. Mae ganddi brofiad mewn datblygiad cymunedol, codi arian yn y Trydydd Sector, cysylltiadau cyhoeddus a marchnata, ac yn gyfarwydd â gwobrau a heriau gwirfoddoli yn y gymuned a hithau wedi sefydlu grwpiau cymunedol ac wedi gwirfoddoli i nifer ohonynt yn ystod yr ugain mlynedd ddiwethaf. Ei llysenw ymhlith ei ffrindiau a’i theulu yw ‘busneswr cymunedol’. Mae Liz yn ymroddedig i alluogi pobl i wneud newid cadarnhaol yn eu cymunedau lleol.

Anfonwch e-bost at Liz

Steve yw Swyddog Datblygu Coetiroedd Cymunedol De-ddwyrain Cymru sy’n gweithio ym Mlaenau Gwent, Torfaen, Caerffili, Casnewydd a Sir Fynwy. Mae Steve wedi gweithio gyda gwirfoddolwyr a sefydliadau Amgylcheddol yn ne Cymru ers blynyddoedd lu. Ymhlith ei ddiddordebau a’i arbenigedd mae crefftau coetir traddodiadol, prosiectau ailgylchu, porthiant a dad-ddofi tir trefol.

Anfonwch e-bost at Steve